قر باس مەملەكەتتىك سانيتار دارىگەرىنىڭ جاڭا قاۋلىسى بويىنشا شەتەلدەن كەلەتىن ازاماتتاردى ەلگە قابىلداۋ شارالارىنا وزگەرىس ەنگىزىلدى, دەپ حابارلايدى Egemen.kz.
قاۋلى بويىنشا, شەتەلدەن كەلگەن قر ازاماتتارى جانە ەل اۋماعىندا تۇرۋعا ىقتيارحاتى بار ادامداردا COVID-19-عا قارسى ۆاكتسيناتسيا العانى تۋرالى قۇجات بولۋى كەرەك. ول بولماعان جاعدايدا 3 تاۋلىك كارانتيندىك ستاتسيونارعا وقشاۋلانادى. ستاتسيوناردا ولاردان پتر-تەست الىنادى.
تەستى تەرىس ناتيجە كورسەتكەن ادامدار ءتيىستى قولحات تولتىرادى. COVID-19-دىڭ ىقتيمال سيمپتومدارى تۋرالى تۇسىندىرىلەدى.
ال تەست وڭ ناتيجە كورسەتكەن ادامدار ينفەكتسيالىق ستاتسيونارعا ەمدەۋگە جاتقىزىلادى.